Gwybodaeth i Bobl Lleol
Mae Digwyddiadau Camu i'r Copa yn gwmni annibynnol Cymreig a grëwyd i arddangos amgylchedd prydferth ein mamwlad i athletwyr o bob rhan o’r byd. Rydym yn gweithio'n agos gyda'r cymunedau sy'n byw yn y mannau y cynhelir ein digwyddiadau i leihau unrhyw aflonyddwch a gwneud y mwyaf o gyfleoedd i fusnesau lleol elwa.
Rydym yn gweithio gydag awdurdodau lleol a grwpiau cynghori diogelwch ac mae ein holl ddigwyddiadau wedi'u caniatáu gan y Cyrff Llywodraethu Cenedlaethol perthnasol; mae hyn yn sicrhau eu bod yn bodloni'r safonau diogelwch uchaf ac yn cael eu rhedeg yn broffesiynol gyda'r effaith leiaf bosibl ar yr ardal leol.
Fel aelodau o Gymdeithas Eryri, rydym yn gwirfoddoli i gynnal safonau amgylcheddol yn ogystal â bod yn rhan o a chefnogi grwpiau cymunedol lleol ac elusennau trwy roddion, sy'n bosibl oherwydd ein ffioedd mynediad. Rydym yn parchu ein diwylliant a’n hiaith, ac mae ein holl arwyddion digwyddiadau a gwefan ar gael yn Gymraeg. Mae ein cynnyrch a'n gwasanaethau i gyd yn dod o ffynonellau lleol.
Mae'r wybodaeth isod yn rhoi gwybodaeth benodol i bobl leol ar sut y bydd y digwyddiad hwn yn rhedeg.
Amseroedd
Bydd yr holl seilwaith pentref y digwyddiad yn cael ei gynnwys ar Faes Sioe Môn. Bydd y pentref yn cael ei godi o ganol bore ar ddydd Sadwrn.
Fel arfer, mae’r ras gyntaf yn dechrau am 09:00 ddydd Sul, gyda’r athletwyr yn dechrau cyrraedd y safle o 08:00. Disgwylir i’r ras olaf ddod i ben tua 12:30, a bydd y pentref y digwyddiad yn cau am 14:00. Mae amseroedd dechrau penodol pob ras yn gallu newid ac fe’u manylir yn y Cyfarwyddiadau Terfynol ar dudalen ras unigol ar ein gwefan, ar gael 10 diwrnod cyn y ras.
RHEOLI TRAFFIG A CHALEDU FFYRDD
Er mwyn lleihau’r aflonyddwch a sicrhau profiad gorau a diogelaf i’r cystadleuwyr a’r gwyliwr, byddwn yn gwneud cais i gau rhai ffyrdd dros dro.
Rydym wedi sicrhau cau ffyrdd ar gyfer y ffyrdd isod i sicrhau diogelwch athletwyr a thîm y digwyddiad:
- 07:30-13:00: A5 o’r Parc Diwydiannol Mona i Faes Sioe Môn
- 08:30-10:00: A5 Faes Sioe Môn i gyffordd Treban
- 08:45-10:45: B5112 – A5 cyffordd Treban i Drefor (adran bach i’r gogledd o Drefor hefyd)
- 09:15-12:00: B5109 Trefor i Fodffordd
- 09:30-12:30: Ffordd heb ei henwi – Bodffordd, trwy Heneglwys, i’r A5 yn Mona
- 09:20-10:15: Piggery Lane
Bydd llwybr gwirisad llawn arwyddion ar gael.
Byddwn yn dosbarthu llythyrau i’r trigolion a effeithir cyn dyddiad y digwyddiad.
Parcio
Bydd y parcio ar faes Sioe Môn ei hun. Mewn achosion o dir wael, mae parcio hefyd ar gael ar safle Mona Airfield. Bydd y parcio wedi’i arwyddo a’i reoli gan fasnachwyr; gellir dod o hyd i’r manylion llawn ar ein tudalen Teithio a Llety.
Gwylio
Mae croeso i wylwyr ddod i’n digwyddiadau i godi calon pawb sy’n cymryd rhan! Rydym yn ymfalchïo yn yr awyrgylch cyffrous a chadarnhaol ym mhob un o’n digwyddiadau, a byddem wrth ein bodd petaech yn dod draw i ychwanegu at y croeso cynnes Cymreig y mae ein cymunedau lleol yn ei gynnig.
Rydym yn cynghori gwylwyr i wasgaru ar hyd y cwrs.
Bod yn Rhan o'r Digwyddiad
Rydym bob amser yn cadw llygad am bobl i ymuno â'n tîm anhygoel o Farsialiaid a Gwirfoddolwyr ac mae'n ffordd wych o godi arian ar gyfer eich grŵp cymunedol neu elusen leol. Os ydych chi'n fusnes lleol a bod gennych gynigion dros benwythnos digwyddiadau, cysylltwch â ni fel y gallwn eich cynnwys yn ein cyfathrebiadau â'n hathletwyr. Mae yna hefyd gyfleoedd ar gyfer stondinau yn ein Pentref Digwyddiad.
Arwyddion a Sbwriel
Mae ein holl arwyddion yn cael eu tynnu yn syth ar ôl y digwyddiad ac rydym yn casglu'r holl sbwriel fel y nodwyd yn ein polisi amgylcheddol. Byddwn yn ymateb i unrhyw adroddiadau o arwyddion wedi'i fethu neu sbwriel ar unwaith felly, er mae'n annhebygol, os digwyddith hyn cysylltwch â ni.
Bydd angen i wylwyr ddefnyddio'r cyfleusterau Talu ac Arddangos priodol wrth barcio. Mae wardeniaid y cyngor yn debygol o roi tocynnau ar gerbydau sydd wedi'u parcio'n wael gan eu bod yn peri risg gwirioneddol i ddiogelwch yr holl gystadleuwyr.
• Mae garej Texaco yn gallows point yn lle gwych i wylio rhedwyr yr Hanner Marathon
• Mae’r stryd fawr hefyd yn lleoliad gwych i wylio gan y byddwch yn gweld y rhedwyr ar y ffordd olaf i gyrraedd y llinell derfyn.
Mae croeso i chi ddod i mewn i'r pentref digwyddiadau i fwynhau'r awyrgylch ac ymweld â'n stondinau masnach.
Event Partners
