Triathlon | Duathlon | Pencampwriaethau Antur 2025

Pencampwriaethau Antur 2025 Llanc y Tywod Legend

Rhan olaf y Pencampwriaethau Antur a diweddglo addas iawn - disgrifiwyd Llanc y Tywod fel y triathlon harddaf yng nghalendr y ras.

Mae'r ras yn cychwyn ac yn gorffen yn un o mannau mwyaf trysoredig Ynys Môn, Coedwig anhygoel Niwbwrch. Ardal unigryw o goedwigoedd 700ha ger Traeth byd-enwog Llanddwyn.

Fel un o'r cynifer o triathlonau yn y calendr sydd yn cychwyn ar y traeth wrth nofio yn y môr, gall eich cefnogwyr adeiladu cestyll tywod a bwyta hufen iâ wrth i chi rasio!

Llanc y Tywod yw rhan olaf y Pencampwriaethau Antur. Cofrestrwch i'r Bencampwriaeth ac mae'r digwyddiad hwn 50% rhatach nag os ydych yn cofrestru fel ras ar ei phen ei hun.

Jump to:

Route Maps
Route Description
Prices
Important Information

Dates

21 Sep 2025

Location

Llanberis, Plas y Brenin, Coedwig Niwbwrch

Distances

Legend

ENTER NOW

Route Description

Drwy ddechrau ar y traeth a cymal nofio yn y môr, mae rhengu ar draeth gogoneddus Niwbwrch yn deimlad bythgofiadwy. Mae'r nofio yn lwybr allan ac yn ôl syml, ond y cefnfor fydd yn penderfynu eich ffawd; byddwch chi'n sefyll yn erbyn dyfroedd tawel neu donnau mwy garw...does dim dweud!

Peidiwch â chredu'r sibrydion bod yr Ynys hon yn wastad! Mae yna ddigon o ddringfeydd a disgyniadau ar y llwybr beic hwn i'ch cadw ar flaenau eich traed. Gan ddechrau o'r cyfnod pontio yng nghanol Coedwig Niwbwrch, dringwch i fyny i bentref Niwbwrch a chymryd y dde. Gan fynd ar hyd troadau ysgubol a mannau syth cyflym, byddwch yn troi i’r chwith cyn y pentref adnabyddus Llanfairpwllgwyngyllgogerychwyrndrobwllllantysiliogogogoch. Yna byddwch yn mynd ymlaen tuag at Porthaethwy, gan cymryd cipolwg o'r bont grog eiconig cyn mynd ar hyd ffordd gul yr arfordir i Fiwmares. Ym Miwmares, trowch i'r chwith a theithio i fyny Allt Goch; y Red Hill, dringfa greulon o serth cyn disgyn i lawr i Pentraeth. Yma, mae'r ffyrdd yn culhau, ac yn haeddu rhywfaint o barch. Ewch trwy nifer o bentrefi gan gynnwys Brynteg, Rhosmeirch a Trefor gan barhau ymlaen tuag at dref glan môr Aberffraw gyda golygfeydd godidog o'r arfordir. Gan reidio trwy Falltraeth ac ymlaen tuag at Niwbwrch, byddwch yn disgyn nol trwy’r goedwig unwaith eto, yn barod i wisgo eich esgidiau rhedeg.

Mae Triathletwyr y Legend yn cwblhau 2 lap o'r llwybr rhedeg safonol. Gyda Choedwig Niwbwrch unwaith yn cynnal Pencampwriaethau Rhedeg Mynydd y Gymanwlad a Ultra Pellter, mae'n saff i ddweud bod y llwybrau ar yr adran hon o'r radd orau. Mae rhedeg trwy'r coed ac i lawr ar hyd y twyni tywod yn fendigedig ac yn wyllt, gyda golygfeydd anhygoel o’r môr ac Eryri yn y pellter. Nid ydym yn ei gwneud hi'n hawdd chwaith, mae'r 1.5km olaf bron yn gyfan gwbl ar dywod, yn sicr daw mwy o foddhad i'r cyflawniad wedi hyn!

Prisio

Pris Lansio - Pencampwriaethau Antur Legend (Slateman/Snowman/Sandman)

Diwedd: 13/10/2024

£499.98
Instalments available until 01/03/2025

Enter now

Pris Safonol - Pencampwriaethau Antur Legend (Slateman/Snowman/Sandman)

Diwedd: 25/05/2025

£562.98
Instalments available until 01/03/2025

Enter now

Pris Haen 3 - Pencampwriaethau Antur Legend (Slateman/Snowman/Sandman)

Diwedd: 05/06/2025

£624.98

Enter now

Gwybodaeth Pwysig

Isafswm Oed

Yn unol â rheolau Ffederasiwn Triathlon Prydain rhaid i chi fod yn 18 oed o leiaf i gymryd rhan yn y ras hon.

Cofrestru

Mae rhaid mynychu cofrestru er mwyn casglu eich pecyn râs. Mi fydd cofrestru ar agor yn ystod prynhawn dydd Sadwrn a bore dydd Sul, ac yn cael ei gynnal y y prif faes parcio yng Nghoedwig Niwbwrch - LL61 6SG. Caiff yr amseroedd penodol eu cadarnhau yn y pecyn Cyfarwyddiadau Terfynol sydd ar gael ar ein gwefan a thrwy e-bost 10 diwrnod cyn y râs.

Amseroedd Cychwyn

Mae Llanc y Tywod yn cael ei heffeithio gan y llanw. O ganlyniad, mae'r amseroedd cychwyn yn amrywio yn flynyddol.

Bydd y ras yn dechrau am 08:30 ar yr hwyraf. Caiff amseroedd penodol eu cadarnhau o flaen llaw yn eich pecyn Cyfarwyddiadau Terfynol sydd ar gael ar ein gwefan a thrwy e-bost 10 diwrnod cyn y digwyddiad.

Dyrennir tonnau gan ddefnyddio'r amcangyfrif o amser gorffen ar eich cais.

Byddwch yn gallu darganfod pa don rydych chi ynddo trwy fewngofnodi i'r ap 'Live Tracker' cyn y ras. Bydd manylion hyn yn cael eu hanfon trwy e-bost ynghyd â'r Cyfarwyddiadau Terfynol 10 diwrnod cyn y ras.

Pontio

Dim ond ar ddiwrnod y digwyddiad y bydd yr ardal pontio ar agor. Nid yw'n bosibl gadael eich beic dros nos. Ni chewch fynediad i'r ardal pontio am unrhyw reswm ar ôl yr amser a neilltuwyd. Caiff yr amseroedd penodol eu cadarnhau yn eich pecyn Cyfarwyddiadau Terfynol sydd ar gael ar y wefan a thrwy e-bost 10 diwrnod cyn y ras.

Bydd offer a adewir yn yr ardal pontio ar ôl iddo gau yn cael ei symud ac ni ellir gwarantu ei ddiogelwch.

Amseroedd Torri i Ffwrdd

Er budd diogelwch athletwyr a diogelwch ein gwirfoddolwyr ar y cwrs, bydd amseroedd torbwynt caeth ar waith.

Bydd gennych 1 awr 10 munud i gwblhau eich cymal nofio ac gadael yr ardal pontio.
Bydd gennych 4 awr 10 munud i gwblhau eich cymal beic ac gadael yr ardal pontio. Bydd rhaid i chi gyrraedd Millitr 11 o fewn 50 munud neu byddwch yn cael eich ail-gyfeirio i'r llwybr beics Safonol.
Bydd gennych 2 awr 30 munud i gwblhau eich rhediad.

Mae'r amseroedd hyn yn destun i newid. Caiff yr amseroedd penodol eu cadarnhau a'u manylu yn eich pecyn Cyfarwyddiadau Terfynol sydd ar gael ar ein gwefan a thrwy e-bost 10 diwrnod cyn y ras.

Gwobrau

Mae'r rhai sy'n cystadlu yn y Pencampwriaethau yn gymwys i gael gwobrau yn Llanc y Tywod fel digwyddiad ar wahân yn ogystal â'r Pencampwriaethau Antur. Gan mai hon yw ras olaf y gyfres gallai hyn olygu eich bod chi'n mynd ar y podiwm ddwywaith!

Rydym yn cynnal seremoni wobrwyo ar ôl y rasio, bydd amseriadau bras yn cael eu manylu yn y cyfarwyddiadau terfynol a fydd ar gael ar y wefan a thrwy e-bost 10 diwrnod cyn y ras, ond mae'n syniad da gwrando am wybodaeth am unrhyw ddiweddariadau sy'n dod i mewn dros y tanerdy. Weithiau efallai y bydd y seremoni yn cael ei gohirio ac ni fyddem am i chi golli allan. Nid ydym yn anfon gwobrau ar ôl y digwyddiad, felly gwnewch yn siŵr eich bod chi'n mynychu'r seremoni ac yn derbyn eich hwyl fawr o Gymru!

Categorïau Gwobr y Triathlon Legend yw

Unigolyn (i dynion a merched)

Agored - 1af, 2il & 3ydd

o Dan 24 - 1af

Senior - 1af

Vet 40 - 1af

Vet 50 - 1af

Vet 60 - 1af

Vet 70 - 1af

Bydd gwobrau’r Pencampwriaethau Antur yn dilyn gyda gwobrau’n cael eu dyfarnu i ddynion a menywod 1af, 2il a 3ydd safle.

ENTER NOW