Tour de Môn 2025

Mae'r sportif yma yn eich tywys o amgylch ynys brydferth Môn Mam Cymru, neu Ynys Môn i fwyafrif. Mae dros 1000 o feicwyr yn ymuno â ni yn flynyddol, gyda'r digwyddiad wedi tyfu i fod yn uchafbwynt yn y calendr i feicwyr a phobl leol sydd yn mwynhau cefnogi a thaenu anogaeth gynnes, Gymreig.

Cewch gyfle i brofi rhai o'r golygfeydd mwyaf syfrdanol ar draws Ynys Môn ac Eryri drwy seiclo ar hyd llawer o lonydd arfordirol. Hefyd, cymrwch gyfle i wynebu'r cloc wrth gwblhau'r 'Flying Mile' ar redfa RAF Fali, lle byddwch yn cael seiclo ar lôn cwbl gaeedig; profiad hollol ddihafal.

O glybiau, i deuluoedd, a rheini sydd yn beicio ar gyfer elusennau, mae'r digwyddiad hwn yn un gyfeillgar gyda beicwyr o bob oedran a gallu yn ceisio trechu'r her.

Mae Tour de Môn 2025 yn cefnogi Elusen Plant Alder Hey. Mae Ysbyty Alder Hey yn gofalu am 450,000 o fabanod, plant a phobl ifanc bob blwyddyn, gan gynnwys 3257 o blant dewr iawn o Ogledd Cymru eleni oedd angen gofal arbenigol. Os hoffwch chi godi arian tuag at yr elusen arbennig hon, ticiwch y bocs ar eich ffurflen wrth archebu lle. Mae pob ceiniog yn cyfri felly nid oes lleiafswm o arian i gasglu - bydd unrhyw un sydd yn ymrwymo i godi mwy na £200 yn derbyn crys-T am ddim gan yr elusen.

Os oes gennych ddiddordeb mewn ceisio am le elusennol am ddim yn y digwyddiad hwn (lleiafswm nawdd o £200), cysylltwch â joanne.bartels@alderhey.nhs.uk