Black Diamond Yr Wyddfa24 2025

Yr Wyddfa yw'r mynydd uchaf yn Eryri, yng Nghymru ac yn Lloegr gyda'r copa yn cyrraedd 1,085 m (3,560 troedfedd).

Gan ddechrau a gorffen wrth droed y mynydd eiconig hwn, cewch eich herio naill ai fel unigolyn, neu fel rhan o dîm i esgyn a disgyn yr Wyddfa gymaint o weithiau â phosibl mewn 24 awr.

I redwyr unigol, mae hon yn her dygnwch eithafol sydd yn gofyn am nerth corfforol a meddyliol. Y record bresennol yw 8 lap - fedrwch chi ei guro? Mae'r ras hon yn rhan o fynegai UTMB, ac yn gyfle i unigolion paratoi a chymhwyso i ras UTMB Mont Blanc. Mae'r cyflawniadau unigol o 50k, 100k a 100 Milltir yn rhan o her UTMB.

Mae hefyd modd cwblhau Yr Wyddfa 24 fel pâr neu dîm (hyd at 5). Byddwch yn rhedeg ar ffurf ras gyfnewid hefo un chip amseru, felly dim ond un aelod o’r tîm fydd yn cael rhedeg ar y tro. Mae hon yn ffordd wych ac unigryw i bobl ddod at ei gilydd fel ffrindiau, teulu neu gyd-weithwyr i gyd-weithio tuag at nod am 24-awr. Mi fydd y nod yn hollol bersonol i chi, boed hynny yn nifer o esgyniadau a disgyniadau, profi eich dygnwch neu i godi arian i elusen - mae pob aelod o'r tîm yn allweddol.

Cefnogi Ymchwil Canser Cymru

Ymchwil Canser Cymru yw partneriaid elusennol swyddogol Yr Wyddfa 24. Mae'r elusen yn ymroi i ariannu ymchwil canser yng Nghymru. Os hoffwch chi godi arian ar gyfer yr elusen, plîs ticiwch y bocs wrth archebu eich lle yn y ras. Nid oes lleiafswm o arian angen ei gasglu, mae pob ceiniog yn cyfri. Bydd unrhyw un sydd yn casglu mwy na £50 yn derbyn Crys-T am ddim gan yr elusen.

Os hoffwch chi geisio am le elusennol am ddim yn y ras (lleiafswm nawdd o £500), plîs cysylltwch ag Ymchwil Canser Cymru: contact-us@cancerresearchwales.org.uk

Mae hefyd croeso cynnes i redwyr sydd yn cefnogi elusennau eraill.