Gwybodaeth i Bobl Lleol
Mae Digwyddiadau Camu i'r Copa yn gwmni annibynnol Cymreig a grëwyd i arddangos amgylchedd prydferth ein mamwlad i athletwyr o bob rhan o’r byd. Rydym yn gweithio'n agos gyda'r cymunedau sy'n byw yn y mannau y cynhelir ein digwyddiadau i leihau unrhyw aflonyddwch a gwneud y mwyaf o gyfleoedd i fusnesau lleol elwa.
Rydym yn gweithio gydag awdurdodau lleol a grwpiau cynghori diogelwch ac mae ein holl ddigwyddiadau wedi'u caniatáu gan y Cyrff Llywodraethu Cenedlaethol perthnasol; mae hyn yn sicrhau eu bod yn bodloni'r safonau diogelwch uchaf ac yn cael eu rhedeg yn broffesiynol gyda'r effaith leiaf bosibl ar yr ardal leol.
Fel aelodau o Gymdeithas Eryri, rydym yn gwirfoddoli i gynnal safonau amgylcheddol yn ogystal â bod yn rhan o a chefnogi grwpiau cymunedol lleol ac elusennau trwy roddion, sy'n bosibl oherwydd ein ffioedd mynediad. Rydym yn parchu ein diwylliant a’n hiaith, ac mae ein holl arwyddion digwyddiadau a gwefan ar gael yn Gymraeg. Mae ein cynnyrch a'n gwasanaethau i gyd yn dod o ffynonellau lleol.
Mae'r wybodaeth isod yn rhoi gwybodaeth benodol i bobl leol ar sut y bydd y digwyddiad hwn yn rhedeg.
Amseroedd
Mae'r ras fel arfer yn dechrau am hanner dydd gydag athletwyr yn dechrau cyrraedd y safle o 10:00. Mae disgwyl i'r ras ddod i ben am 14:00 a phentref y digwyddiad i gau ganol prynhawn.
Bydd amseriadau penodol i’r digwyddiad yn cael eu manylu yn y Cyfarwyddiadau Terfynol sydd ar gael ar y wefan 10 diwrnod cyn y ras.
Cau ffyrdd
Er mwyn lleihau unrhyw tarfu ac i sicrhau’r profiad gorau a mwyaf diogel i gystadleuwyr a gwylwyr, byddwn yn gofyn am ganiatâd i gau ffyrdd dros dro a gweithredu rheolaeth traffig fel y nodir isod:
- Church Walks (ar gau o 11:00 tan 14:00)
- Marine Drive (ar gau o 11:00 tan 14:00)
Bydd y ffyrdd hyn yn cael eu hailagor cyn gynted â phosibl a bydd llwybr dargyfeirio llawn mewn lle.
Byddwn yn anfon llythyr at yr holl drigolion a chaiff eu heffeithio o leiaf 4 wythnos cyn dyddiad y digwyddiad.
Parcio
Rydym yn ymwybodol bod parcio ar gyfer ein cystadleuwyr yn gallu rhoi pwysau ar y nifer cyfyngedig o leoedd parcio sydd ar gael i gartrefi a busnesau lleol. Rydym yn amlygu hyn i'n cystadleuwyr trwy osod arwyddion manwl o amgylch y digwyddiad, yn ogystal â nodi'r pwysigrwydd o fod yn ystyriol wrth barcio yn ein Cyfarwyddiadau Terfynol. Mae hyn yn cynnwys:
- Annog i athletwyr rannu ceir
- Manylion ar sut i gyrraedd Llandudno drwy ddefnyddio trafnidiaeth gyhoeddus
- Gosod arwyddion i arwain ein hathletwyr i'r meysydd parcio talu ac arddangos
- Gwybodaeth fanwl am unrhyw feysydd parcio dynodedig i'r digwyddiad
Gwylio
Mae croeso i wylwyr ddod i’n digwyddiadau i godi calon pawb sy’n cymryd rhan! Rydym yn ymfalchïo mewn awyrgylch cyffrous a chadarnhaol ym mhob un o’n digwyddiadau, a byddem wrth ein bodd petaech yn dod draw i ychwanegu at y croeso cynnes Cymreig y mae ein cymunedau lleol yn ei gynnig.
Bydd y ras yn dechrau ac yn gorffen yn y promenâd felly byddai hwn yn lle gwych i wylio pawb yn mynd a dod. Rydym yn cynghori gwylwyr i wasgaru ar hyd y cwrs hefyd.
Bod yn Rhan o'r Digwyddiad
Rydym bob amser yn cadw llygad am bobl i ymuno â'n tîm anhygoel o Farsialiaid a Gwirfoddolwyr ac mae'n ffordd wych o godi arian ar gyfer eich grŵp cymunedol neu elusen leol. Os ydych chi'n fusnes lleol a bod gennych gynigion dros benwythnos digwyddiadau, cysylltwch â ni fel y gallwn eich cynnwys yn ein cyfathrebiadau â'n hathletwyr. Mae yna hefyd gyfleoedd ar gyfer stondinau yn ein Pentref Digwyddiad.
Arwyddion a Sbwriel
Mae ein holl arwyddion yn cael eu tynnu yn syth ar ôl y digwyddiad ac rydym yn casglu'r holl sbwriel fel y nodwyd yn ein polisi amgylcheddol. Byddwn yn ymateb i unrhyw adroddiadau o arwyddion wedi'i fethu neu sbwriel ar unwaith felly, er mae'n annhebygol, os digwyddith hyn cysylltwch â ni.
Event Partners
